📅 Датум: 15 февруари 2025 (сабота)

📍 Локација: Скопје City Mall, прв кат

🕙 Време: 10:00 – 19:00 часот

 

Националната федерација на фармери со задоволство Ве поканува на саемот на македонска традиционална храна „Вкус што обединува“, единствен настан посветен на автентичните домашни вкусови и поддршката на локалните производители!

Љубителите на македонската кујна ќе имаат можност да уживаат во најразновидни домашни производи: лутеници, ајвар, природни сокови, путери, мармалади, маџун, мед, макала, преработки од зеленчук и овошје, вино и ракија. Ова е шанса да ги откриете богатите ароми и традиционалните рецепти што ги носат корените на нашите рурални заедници!

Саемот не е само изложба, туку и порака за поддршка на домашното производство, поттик за еднаквост и интеграција, како и вистинска можност да дознаете повеќе за значењето на локалната храна.

Саемот е организиран од Националната федерација на фармери и Скопје City Mall и е дел од манифестацијата City Bazar. Саемот е поддржан од Шведска и организацијата We Effect преку проектот „Организациски развој на НФФ и подобрени пазарни врски за малите фармери и производители од руралните области“.

Ве покануваме да бидете дел од овој настан, да ги поддржите нашите рурални производители и заедно да го славиме македонското традиционално, природно и вкусно!