Националната федерација на фармери стана партнер организација на Европската организација Копа – Кожека, која претставува обединет глас на земјоделците и земјоделските задруги во Европската унија и која работи на остварување на правата и интересите на земјоделците и земјоделските задруги во ЕУ. Процесот на воспоставување на партнерството се одвиваше во март и април 2021 со тоа што Националната федерација на фармери ги исполни условите да стане партнер организација на Копа – Кожека. „НФФ во тековниот период добива информации за европското земјоделство и рурален развој и тие информации ги споделува со своите членови, но воедно ќе биде активна во следењето на преговорите на Република Северна Македонија за членство во Европската унија во поглавјата за земјоделство и рурален развој. Ова е значаен чекор за организацијата и за земјоделците во насока на подобра информираност, едукација и лобирање за развој на македонското земјоделство и негово приближување до европското“, потенцира Билјана Петровска – Митревска, проект менаџер во Националната федерација на фармери. Процесот беше целосно поддржан од проектот на Националната федерација на фармери „Институционална поддршка на НФФ“, подржан од Шведската организација за развој We Effect.
Stay In Touch