Националната Федерацијата на Фармерите (НФФ) е организиран глас на македонските земјоделци со мисија „Профитабилно земјоделство – Стабилно село”. Целните групи со кои работи НФФ ги опфаќа сите категории земјоделци, најсиромашните, ранливите, земјоделските семејни стопанства, земјоделските организации и земјоделските задруги, како еден од најсовремените облици на организација на здружениот труд и настап на пазари. НФФ како основна алатка го има лобирањето и застапувањето на земјоделците и реализацијата на активности во подобрување на бизнис опкружувањето, едукација и информирање на земјоделците во насока на зголемување на продуктивноста и конкурентноста. НФФ посветува посебно внимание на младите и жените, родовата еднаквост и намалувањето на сиромаштијата во руралните средини.
Националната Федерација на фармери, Скопје, има потреба од ангажман на Експерт за превод, ревидирање и униформирање на анкетни податоци со можност за продолжување. Ангажманот започнува од 10.06.2021 до 15.07.2021. Во прилог е доставен и опис на активности.
Обврски
- Превод на анкетни прашалници од македонски на англиски јазик
- Ревидирање на внесени податоци и униформирање на одговорите на англиски јазик
- Превод на извештаи
- Превод на 3 инфографици
Квалификации:
- Овластен преведувач од македонски на англиски јазик и обратно
- Искуство од минимум 5 години во превод на материјали од областа на земјоделство и рурален развој
- Искуство од минимум 5 години во превод на материјали за НВОи и донатори
- Високо образование за Англиски јазик
- Искуство во изработка на анализи и истражувања
- Постапување како тимски играч и олеснување на работата во тим
- Ефективна комуникација и социјални вештини;
- Доследно пристапување кон работата со енергија и позитивен став;
Сите заинтересирани кандидати треба да пратат биографија на англиски јазик со основни податоци и искуство .
Биографијата се доставува на двата e-mail: vidanka.martinovska@nff.org.mk и nff@nff.org.mk најдоцна до 04.06.2021 (петок) до 15 часот, со назнака: „za Ekspert za prevod”. Селектираните кандидати ќе бидат викнати на интервју. Селектираните кандидати ќе бидат викнати на интервју.
ТоР-превод-ФАО
Stay In Touch