31.07.2025

Националната федерација на фармери во рамките на проектот „Поддршка на малите земјоделци во Република Северна Македонија – Core support for NFF“, поддржан од We Effect и Шведска, распишува отворен повик за ангажирање на експерт/ка за подготовка на сет документи за услуги наменети за членството на Националната федерација на фармери.Севкупна цел е да се дизајнира и предложи сеопфатен пакет на услуги за членовите на НФФ, насочен кон потребите на малите земјоделци и нивните здруженија во следниве области:лобирање и застапување, едукација и обука, пристап до информации, планирање на производство и стандарди, подготвеност за пазар и поврзување со пазар (особено со домашниот пазар). Документите треба да бидат подготвени на македонски јазик.

Барани квалификации

Задолжителни технички критериуми:

1. Образование:

– Експертот мора да има минимум диплома од прв циклус (BSc/BA) во политички науки, општествени науки, економија, земјоделство или агробизнис

2. Професионално искуство:

– Најмалку 3 години професионално искуство во дизајнирање и имплементација на услуги за поддршка

– Искуство во работа со граѓански организации и членски здруженија

– Познавање на домашните земјоделски пазари и синџири на вредности

– Силни комуникациски и фасилитаторски вештини

Вештини на експертот:

– Одлични аналитички и писмени вештини на англиски и македонски јазик

– Способност за презентација на информации и ефективно презентирање на наоди, идеи и препораки пред различни засегнати страни

Постапка за аплицирање:

Заинтересираните страни за оваа ToR треба да ги достават следниве задолжителни документи:

– Ажурирано портфолио/биографија (CV) со јасно наведени слични работни задачи (вклучувајќи референци на документи, анализи, извештаи, истражувања и слично)

– Финансиска понуда во МКД, со вклучени сите трошоци: дневен надомест за експерт, применливи даноци, патни трошоци, сместување, дневници итн.

– Потпишана изјава за релации

Понудите треба да се достават по електронска пошта на vidanka.martinovska@nff.org.mk и nff@nff.org.mk, најдоцна до 30.08.2025. Сите прашања може да се испратат на vidanka.martinovska@nff.org.mk најдоцна до 11.08.2025.

Целиот повик е објавен подолу во објавата како PDF документ

ToR for expert for NFF Services (1)